Сувомеснатите производи на РИМЕС се добропознати на овие простори со оглед на тоа што брендот постои веќе дваесетина години.

Компанијата ја предводи млад менаџерски тим кој настојува производството да се одвива на најсовремен и најбезбеден начин, со примена на HACCP стандардот. Овој стандард, заедно со примената на врвна европска технологија, како и искуството на стручниот тим, придонесуваат нашите производи да бидат препознатлив бренд со врвен традиционален квалитет, здравствено безбедни и со препознатлив вкус. Наша предност пред другите бројни производители на сувомеснати производи е комплетната контрола на производството, која се одвива преку следење и контрола на потеклото и квалитетот на месото одгледувано во нашата фарма, заклано и обработено во нашите кланици, кое потоа се користи во нашите производи.

Високата позиционираност на македонскиот пазар ја постигнуваме преку повеќе од 20 сопствени продавници лоцирани во најфреквентните делови на градовите. Во продавниците, освен вкусни сувомеснати производи, на нашите потрошувачи им нудиме секогаш свежо месо од македонско потекло, одгледано во нашата фарма и обработено во нашите кланици. За нас во РИМЕС МС ГРОУП ДОО, освен квалитетот, важно ни е производите од брендот РИМЕС да бидат лесно достапни за потрошувачите кои знаат да препознаат производи со квалитет поради кој секојдневно заслужуваат место на нивните трпези.

Цел на РИМЕС МС ГРОУП ДОО е високо позиционирање меѓу произодителите на домашниот пазар, но и освојување и пласман на производите на регионалните пазари. Во целиот тој процес, целта е брендот да остане препознатлив нак за висококвалитетни и здравствено безбедни производи кои се омилени кај потрошувачите во Македонија и во регионот.